Aðventan í Köben á Radisson Blu 26. - 29.nóvember 2010
Aðventan í Kaupmannahöfn og gist á Radisson Blu Skandinavia Hotel.
Hvernig líst þér á að upplifa alvöru jólastemmningu? Löng helgi í Kaupmannahöfn er alveg tilvalin leið til að komast í rétta jólaskapið.
Þú getur sameinað skemmtun, afslöppun og verslað jólagjafirnar. Á þessum árstíma iðar Kaupmannahöfn hreinlega af lífi og jólaandinn svífur yfir borginni allri. Tivoli í Kaupmannahöfn er í glæsilegum jólabúningi og er það einstök upplifun að ganga þar um og kíkja inn í öll litlu húsin þar sem boðið er upp á alls kyns skemmtilegan varning.
Gist er á Radisson Blu Skandinavia Hotel þar sem útsýnið yfir borgina er einstakt. Hótelið stendur við Amager Boulevard í miðborg Kaupmannahafnar og í nokkurra mínútna göngufjarlægð frá Tívolíinu, Strikinu og öllum helstu gullmolum borgarinnar. Herbergin eru rúmgóð, frí internet tenging og baðkar á öllum herbergjum. Morgunverður er innifalinn á hótelinu. Allir hótelgestir frá frían aðgang að líkamsrækt hótelsins. Á hótelinu eru 4 mjög vinsæl veitingahús og má þar nefna Mamas & Papas sem er ítalsk/amerískur staður, Restaurant Kyoto er japanskur, The Blue Elephant sem er tælenskur að ógleymdum veitingastaðnum á 25. hæð, The Dining Room en þaðan er eitt besta útsýni yfir Kaupmannahöfn.
Julefrokost er frábær leið til að skapa rétta andrúmsloftið og tilvalið að fara í slíka veislu á föstudagskvöldinu á hótelinu, í Tivolíinu eða á öðrum stöðum borgarinnar . Julefrokost að kveldi eða í hádegi er hefðbundin dönsk máltíð og ekki hægt að bera saman við íslenska hlaðborðið, þar sem öllu er tjaldað fram. Maturinn samanstendur í grunninn af síld, rúgbrauði, rauðsprettu, önd og svínabógi, en ofan á þetta bætist gott rauðvín, jafnvel flöskubjór og svo snafs.
Ferðaáætlun
Flogið til Kaupmannahafnar föstudaginn 26. nóvember kl. 07:00 frá Keflavík.
Farþegar skrá sig inn á Radisson Blu Skandinavia Hotel.
Laugardagur 27.nóvember, kl. 11:00. Boðið verður upp á gönguferð um miðborg Kaupmannahafnar með íslenskri fararstjórn þar sem endað verður á jólamarkaði. Ath. lágmarksþátttaka 20 manns í gönguferð.
Flogið til Keflavíkur Mánudaginn 29. nóvember kl. 11:55.
Verð á mann í tvíbýli kr. 76.900.-
Visamlegast bókið hjá skrifstofu Expressferða í síma 5900100
Innifalið í verði: Flug báðar leiðir m.sköttum, gisting í þrjár nætur á Radisson Blu Skandinavia Hotel með morgunverði. Gönguferð með íslenskum fararstjóra.
Ath. Farþegar koma sér sjálfir til og frá flugvelli.
Myndir